"My a dhalathas studhya an taves Sowsnek nans yw diw vlydhen. Nyns eus saw tri po peswar cans a dus a wor kewsel an yeth ma yn freth hedhyw, mes yma govenek dhymm may fo moy ahanan y’n blydhenyow a dheu. Studhya Sowsnek nyns yw es. Nyns yw an taves ma dyskys orth pennscol vyth, ha ny vynn an governans ri arhans vyth rag dalleth classow yn scolyow Pow Sows. Cales lowr yw cavùs lyvrow y’n yeth, ha whath calessa cavùs nebonan may hyllir hy hewsel ganso."